ରାଜ୍ୟରେ ଗ୍ରୀଷ୍ମ ଲହରୀର ପ୍ରକୋପ ବଢ଼ୁଥିବାରୁ ଶିକ୍ଷା ବିଭାଗ ପକ୍ଷରୁ ସମସ୍ତ ବିଦ୍ୟାଳୟ ପାଇଁ ଗୁରୁତ୍ୱପୂର୍ଣ୍ଣ ନିର୍ଦ୍ଦେଶନାମା ଜାରି କରାଯାଇଛି। ଛାତ୍ରଛାତ୍ରୀମାନଙ୍କୁ ପ୍ରଖର ଖରାରୁ ରକ୍ଷା କରିବା ପାଇଁ ସରକାର ଏହି ନିଷ୍ପତ୍ତି ନେଇଛନ୍ତି।
-
ପ୍ରାଥମିକରୁ ମାଧ୍ୟମିକ ସ୍ତର ପର୍ଯ୍ୟନ୍ତ ସମସ୍ତ ଶ୍ରେଣୀ ସକାଳ ୬ଟା ୩୦ ମିନିଟରୁ ଆରମ୍ଭ ହୋଇ ଦିନ ୧୦ଟା ୩୦ ମିନିଟ୍ ପର୍ଯ୍ୟନ୍ତ ଚାଲିବ।
-
ସକାଳ ୯ଟା ୩୦ରୁ ୧୦ଟା ମଧ୍ୟରେ ଛାତ୍ରଛାତ୍ରୀଙ୍କୁ ମଧ୍ୟାହ୍ନ ଭୋଜନ ପ୍ରଦାନ କରାଯିବ।
-
ଶିକ୍ଷକମାନେ ସକାଳ ୬ଟା ୧୫ ସୁଦ୍ଧା ବିଦ୍ୟାଳୟରେ ପହଞ୍ଚିବାକୁ ନିର୍ଦ୍ଦେଶ ଦିଆଯାଇଛି।
ବଢ଼ୁଥିବା ତାପମାତ୍ରାକୁ ଦୃଷ୍ଟିରେ ରଖି ବିଦ୍ୟାଳୟଗୁଡ଼ିକରେ କେତେକ ବ୍ୟବସ୍ଥା କରିବାକୁ କୁହାଯାଇଛି:
-
ସମସ୍ତ ସ୍କୁଲରେ ବିଶୁଦ୍ଧ ପାନୀୟ ଜଳର ସୁବିଧା ସୁନିଶ୍ଚିତ କରାଯିବ।
-
: ଖରା ଯୋଗୁଁ ଅସୁସ୍ଥ ହେଉଥିବା ପିଲାଙ୍କ ପାଇଁ ପର୍ଯ୍ୟାପ୍ତ ପରିମାଣର ORS ପ୍ୟାକେଟ୍ ଗଚ୍ଛିତ ରଖିବାକୁ କୁହାଯାଇଛି।
-
ପିଲାମାନଙ୍କୁ ଖୋଲା ପଡ଼ିଆରେ କିମ୍ବା ଖରାରେ କୌଣସି ଶାରୀରିକ ଶିକ୍ଷା ବା କ୍ରୀଡ଼ା କାର୍ଯ୍ୟକ୍ରମ କରାଇବା ପାଇଁ ବାରଣ କରାଯାଇଛି।
-
ସ୍କୁଲ ହଷ୍ଟେଲଗୁଡ଼ିକରେ ମଧ୍ୟ ଖରା ଦିନିଆ ସତର୍କତା ଅବଲମ୍ବନ କରିବାକୁ ନିର୍ଦ୍ଦେଶ ଦିଆଯାଇଛି।
-
ପିଲାମାନେ ସ୍କୁଲ ଯିବା ସମୟରେ ନିଜ ସହିତ ପାଣି ବୋତଲ ଓ ଟୋପି ନେବାକୁ ପରାମର୍ଶ ଦିଆଯାଇଛି।
-
ପିଲାଙ୍କୁ ସୁଷମ ଖାଦ୍ୟ ଓ ଅଧିକ ପରିମାଣର ତରଳ ପଦାର୍ଥ ପିଇବାକୁ ଦେବା ପାଇଁ ସରକାରୀ ସୂଚନାରେ ଉଲ୍ଲେଖ କରାଯାଇଛି।
: ପାଣିପାଗର ପରିବର୍ତ୍ତନକୁ ଦେଖି ପରବର୍ତ୍ତୀ ସମୟରେ ସରକାର ସମୟ ସୂଚୀରେ ପୁଣି ସଂଶୋଧନ କରିପାରନ୍ତି କିମ୍ବା ଛୁଟି ଘୋଷଣା କରିପାରନ୍ତି।
