ନୂଆଦିଲ୍ଲୀ/ଭୁବନେଶ୍ୱର, ୧୮ ଅକ୍ଟୋବର (ସିଧା ସମ୍ବାଦ କଳିଙ୍ଗ):
ନିର୍ବାଚନ ଆୟୋଗଙ୍କ ସ୍ୱତନ୍ତ୍ର ନିବିଡ଼ ସଂଶୋଧନ (SIR) ଅଭିଯାନରେ ଅନିୟମିତତା ଅଭିଯୋଗ ଏବଂ ମୁଖ୍ୟ ନିର୍ବାଚନ କମିଶନର (CEC) ଜ୍ଞାନେଶ କୁମାରଙ୍କ ଇସ୍ତଫା ଦାବିକୁ ନେଇ ଦିଲ୍ଲୀରେ ଚାଲିଥିବା ବିକ୍ଷୋଭ ମଧ୍ୟରେ କୋକ୍ରୋଚ୍ ଜନତା ପାର୍ଟି (CJP) ରବିବାର ଦିନ ଏହାର ପରବର୍ତ୍ତୀ ପଦକ୍ଷେପ ସ୍ପଷ୍ଟ କରିଛି। ଦଳର ପ୍ରତିଷ୍ଠାତା ଅଭିଜିତ୍ ଦିପ୍କେ ରବିବାର ଦିନ ଘୋଷଣା କରିଛନ୍ତି ଯେ, ଆଗାମୀ ଦିନରେ ଦଳର ସମର୍ଥକମାନେ ଏକାଠି ହୋଇ ପୁଣିଥରେ ରଣନୀତି ପ୍ରସ୍ତୁତ କରିବେ ଏବଂ ଆଗାମୀ ପଦକ୍ଷେପ ସମ୍ପର୍କରେ ନିଷ୍ପତ୍ତି ନେବେ।
ନିର୍ବାଚନ ଆୟୋଗଙ୍କ କାର୍ଯ୍ୟଶୈଳୀ ଏବଂ ଭୋଟର ତାଲିକା ପରିଚାଳନାକୁ ବିରୋଧ କରି ସିଜେପି (CJP) ପକ୍ଷରୁ ନୂଆଦିଲ୍ଲୀରେ ଜୋରଦାର ପ୍ରଦର୍ଶନ କରାଯାଇଥିଲା। ଏହି ବିକ୍ଷୋଭ ପ୍ରଦର୍ଶନ ଓ ଆନ୍ଦୋଳନକୁ ନେଇ ସୃଷ୍ଟି ହୋଇଥିବା ପରିସ୍ଥିତି ଏବଂ ନିକଟରେ ହୋଇଥିବା ଗିରଫଦାରୀ ତଥା ଜାମିନ ମୁକ୍ତ ପରେ ଦଳ ପକ୍ଷରୁ ଏହି ବୟାନ ଆସିଛି। ସାଧାରଣ ଯୁବବର୍ଗ ଓ ଛାତ୍ରମାନଙ୍କୁ ନେଇ ଗଠିତ ଏହି ଆନ୍ଦୋଳନ ବର୍ତ୍ତମାନ ଜାତୀୟସ୍ତରରେ ଚର୍ଚ୍ଚାରେ ଥିବାବେଳେ ଆଗାମୀ ଦିନରେ ଏହାର ପରବର୍ତ୍ତୀ ପଦକ୍ଷେପ କଣ ହେବ, ସେନେଇ ରାଜନୈତିକ ମହଲରେ ଆଲୋଚନା ଜାରି ରହିଛି।
