ଭୁବନେଶ୍ୱର: କଠିନ ପରିଶ୍ରମ ଏବଂ ଦୃଢ଼ ଇଚ୍ଛାଶକ୍ତି ଆଗରେ ହାର ମାନିଛି ପ୍ରତିବନ୍ଧକ। ଯାତ୍ରା ଜଗତର ଜଣାଶୁଣା ଅଭିନେତ୍ରୀ ରାଧା ପଣ୍ଡା ଏବେ ଡାକ୍ତର ହେବାକୁ ଯାଉଛନ୍ତି। ସର୍ବଭାରତୀୟ ସ୍ତରରେ ଅନୁଷ୍ଠିତ ନିଟ୍ (NEET) ପ୍ରବେଶିକା ପରୀକ୍ଷାରେ ସଫଳତା ହାସଲ କରି ସେ ସମସ୍ତଙ୍କୁ ଚକିତ କରିଦେଇଛନ୍ତି।
-
ସର୍ବଭାରତୀୟ ସ୍ତରରେ ୭୫ ରାଙ୍କ ହାସଲ କରିଛନ୍ତି।
-
ମୋଟ ୭୨୦ ନମ୍ବରରୁ ସେ ୭୧୬ ନମ୍ବର ରଖିଛନ୍ତି।
-
ଫିଜିକ୍ସ ଓ କେମେଷ୍ଟ୍ରିରେ ସେ ଫୁଲ୍ ମାର୍କ ରଖିଥିବା ବେଳେ ବାୟୋଲୋଜିରେ ମାତ୍ର ୪ ନମ୍ବର କଟିଛି।
ରାଧା ପଣ୍ଡା ହେଉଛନ୍ତି ‘ଯାତ୍ରା ଯାଜ୍ଞସେନୀ’ର ମୁଖ୍ୟ ନାୟିକା। ରାତିରେ ମଞ୍ଚ ଉପରେ ଅଭିନୟ କରିବା ସହ ଦିନରେ ନିଜ ପାଠପଢ଼ା ଜାରି ରଖିବା ତାଙ୍କ ପାଇଁ ଏକ ବଡ଼ ଆହ୍ୱାନ ଥିଲା। ତଥାପି ନିଜର କଠିନ ଅଧ୍ୟବସାୟ ବଳରେ ସେ ଆଜି ଏହି ଗୌରବ ଆଣିଛନ୍ତି। ସେ ଭୁବନେଶ୍ୱର ଏମ୍ସ (AIIMS)ରେ ଡାକ୍ତରୀ ପଢ଼ିବା ସହ ପରବର୍ତ୍ତୀ ସମୟରେ କାର୍ଡିଓଲୋଜିରେ ସ୍ନାତକୋତ୍ତର (PG) କରିବାକୁ ଲକ୍ଷ୍ୟ ରଖିଛନ୍ତି।
ତାଙ୍କର ଏହି ବିରଳ ସଫଳତା ପାଇଁ ଯାତ୍ରା ଜଗତର କଳାକାର, ମାଲିକ ଏବଂ ପ୍ରଶଂସକଙ୍କ ମଧ୍ୟରେ ଖୁସିର ଲହରି ଖେଳିଯାଇଛି।
