ଭାରତୀୟ ଖାଉଟିଙ୍କ ପାଇଁ ଏକ ବଡ଼ ଖବର। ଦେଶର ଅଗ୍ରଣୀ ଇ-କମର୍ସ ସଂସ୍ଥା ଫ୍ଲିପକାର୍ଟ (Flipkart) ଏବେ ଫୁଡ୍ ଡେଲିଭରି ବଜାରରେ ପ୍ରବେଶ କରିବାକୁ ପ୍ରସ୍ତୁତ ହେଉଛି। ଯଦିଓ ଏହି କ୍ଷେତ୍ରରେ ସ୍ୱିଗି (Swiggy) ଏବଂ ଜମାଟୋ (Zomato) ନିଜର ଆଧିପତ୍ୟ ବିସ୍ତାର କରିଛନ୍ତି, କିନ୍ତୁ ଫ୍ଲିପକାର୍ଟର ଏହି ନୂଆ ଏଣ୍ଟ୍ରି ସେମାନଙ୍କ ପାଇଁ ଚିନ୍ତାର କାରଣ ପାଲଟିଛି।
ସୂଚନା ଅନୁଯାୟୀ, ଫ୍ଲିପକାର୍ଟ ନିଜର ଗ୍ରାହକମାନଙ୍କୁ ଶସ୍ତା ଏବଂ ଦ୍ରୁତ ଗତିରେ ଖାଦ୍ୟ ଯୋଗାଇ ଦେବା ପାଇଁ ରଣନୀତି ପ୍ରସ୍ତୁତ କରିଛି। ଏହା କେବଳ ମେଟ୍ରୋ ସହର ନୁହେଁ, ବରଂ ଛୋଟ ସହରଗୁଡ଼ିକରେ ମଧ୍ୟ ନିଜର ସେବା ବିସ୍ତାର କରିବାକୁ ଲକ୍ଷ୍ୟ ରଖିଛି। ଫ୍ଲିପକାର୍ଟର ଏହି ପଦକ୍ଷେପ ପରେ ଏବେ ଗ୍ରାହକମାନେ ଅଧିକ ରିହାତି ଏବଂ ନୂଆ ଅଫର୍ ପାଇବେ ବୋଲି ଆଶା କରାଯାଉଛି।”
