ଭୁବନେଶ୍ୱର/ଓଡ଼ିଶା: ରାଜ୍ୟର ମହିଳାମାନଙ୍କ ଆର୍ଥିକ ସଶକ୍ତିକରଣ ପାଇଁ ଓଡ଼ିଶା ସରକାରଙ୍କ ପ୍ରମୁଖ ଯୋଜନା ‘ସୁଭଦ୍ରା’କୁ ନେଇ ଆସିଛି ଏକ ବଡ଼ ଖବର। ଯେଉଁ ଯୋଗ୍ୟ ମହିଳାମାନେ ଏପର୍ଯ୍ୟନ୍ତ ଏହି ଯୋଜନାରେ ସାମିଲ ହୋଇପାରି ନାହାଁନ୍ତି, ସେମାନଙ୍କ ପାଇଁ ସରକାର ପୁଣି ଥରେ ଆବେଦନର ସୁଯୋଗ ଦେଇଛନ୍ତି। ଆସନ୍ତା ଏପ୍ରିଲ ୧, ୨୦୨୬ ରୁ ଏପ୍ରିଲ ୩୦ ପର୍ଯ୍ୟନ୍ତ ‘ସୁଭଦ୍ରା ପୋର୍ଟାଲ’ ମାଧ୍ୟମରେ ନୂତନ ଆବେଦନ ଗ୍ରହଣ କରାଯିବ।
କ’ଣ ରହିଛି ନୂଆ ନିୟମ ଓ ଯୋଗ୍ୟତା?
ଆବେଦନ ସମୟସୀମା: ୦୧ ଏପ୍ରିଲ ୨୦୨୬ ରୁ ୩୦ ଏପ୍ରିଲ ୨୦୨୬ ପର୍ଯ୍ୟନ୍ତ (କେବଳ ଏକ ମାସ ପାଇଁ)।
ବୟସ ସୀମା: ଆବେଦନକାରୀ ମହିଳାଙ୍କ ବୟସ ୦୧.୦୪.୨୦୨୬ ସୁଦ୍ଧା ୨୧ ବର୍ଷରୁ ୬୦ ବର୍ଷ ମଧ୍ୟରେ ହୋଇଥିବା ଆବଶ୍ୟକ।
କେଉଁମାନେ ଆବେଦନ କରିବେ: ଯେଉଁମାନେ ପୂର୍ବରୁ ଏହି ଯୋଜନା ପାଇଁ ଆବେଦନ କରିନାହାଁନ୍ତି, କେବଳ ସେହିମାନେ ହିଁ ନୂଆ କରି ଫର୍ମ ପୂରଣ କରିପାରିବେ।
ଆର୍ଥିକ ସହାୟତା: ଯୋଗ୍ୟ ହିତାଧିକାରୀମାନେ ବାର୍ଷିକ ଦୁଇଟି କିସ୍ତିରେ ମୋଟ ୧୦,୦୦୦ ଟଙ୍କାର ସହାୟତା ରାଶି ପାଇବେ।
କିପରି କରିବେ ଆବେଦନ?
୧. ଫର୍ମ କେଉଁଠୁ ମିଳିବ: ସମସ୍ତ ଅଙ୍ଗନୱାଡି କେନ୍ଦ୍ର (AWC) ଏବଂ CDPO କାର୍ଯ୍ୟାଳୟରେ ସୁଭଦ୍ରା ଫର୍ମ ସମ୍ପୂର୍ଣ୍ଣ ନିଶୁଳ୍କ ଭାବେ ଉପଲବ୍ଧ।
୨. ପଞ୍ଜୀକରଣ: ନୂତନ ଆବେଦନଗୁଡିକ ନିକଟସ୍ଥ ସାଧାରଣ ସେବା କେନ୍ଦ୍ର (CSC) ଏବଂ ଆମ ସେବା କେନ୍ଦ୍ର (ASK) ମାଧ୍ୟମରେ ଅନଲାଇନରେ ପଞ୍ଜୀକୃତ କରାଯାଇପାରିବ।
ସିଧା ସମ୍ବାଦର ସୂଚନା: ସୁଭଦ୍ରା ଯୋଜନାରେ କୌଣସି ବି ଯୋଗ୍ୟ ମହିଳା ଯେପରି ବାଦ୍ ନପଡ଼ନ୍ତି, ସେଥିପାଇଁ ରାଜ୍ୟ ସରକାର ଏହି ସ୍ୱତନ୍ତ୍ର ସୁଯୋଗ ପ୍ରଦାନ କରିଛନ୍ତି। ତେଣୁ ସମୟ ପୂର୍ବରୁ ନିଜର ଆବଶ୍ୟକୀୟ କାଗଜପତ୍ର ପ୍ରସ୍ତୁତ ରଖି ଆବେଦନ କରନ୍ତୁ।
https://youtu.be/X9JSxYr0f98
