ସିଧା ସମ୍ବାଦ କଳିଙ୍ଗ:
ଭାରତୀୟ ଜନତା ପାର୍ଟି (ବିଜେପି)ର ବରିଷ୍ଠ ନେତା ତଥା ପୂର୍ବତନ ସାଂସଦ ବ୍ରଜମୋହନ ରାମ ଓଡ଼ିଶାର ନୂତନ ରାଜ୍ୟପାଳ ଭାବେ ନିଯୁକ୍ତ ହୋଇଛନ୍ତି। ରାଷ୍ଟ୍ରପତି ଭବନ ପକ୍ଷରୁ ଘୋଷିତ ହୋଇଥିବା ନୂତନ ରାଜ୍ୟପାଳଙ୍କ ତାଲିକାରେ ତାଙ୍କୁ ଏହି ଗୁରୁଦାୟିତ୍ୱ ମିଳିଛି। ସେ ତାଙ୍କର ପୂର୍ବସୂରୀ ଡକ୍ଟର ହରିବାବୁ କମ୍ଭମ୍ପାଟିଙ୍କ ସ୍ଥାନ ନେବେ ଏବଂ ରାଜଭବନରେ କାର୍ଯ୍ୟଭାର ଗ୍ରହଣ କରିବେ।
ବ୍ରଜମୋହନ ରାମଙ୍କ ରାଜନୈତିକ ଜୀବନ:
ବ୍ରଜମୋହନ ରାମଙ୍କର ରାଜନୀତିରେ ଏକ ଦୀର୍ଘ ଓ ସଫଳ କ୍ୟାରିୟର୍ ରହିଛି। ସେ ୧୯୯୬, 1998 ଏବଂ 1999 ମସିହାରେ କ୍ରମାଗତ ଭାବେ ତିନିଥର ପଲାମୁ ଲୋକସଭା ଆସନରୁ ସାଂସଦ ଭାବେ ନିର୍ବାଚିତ ହୋଇଥିଲେ। ସେହି ସମୟରେ ପଲାମୁ ବିହାର ରାଜ୍ୟର ଅନ୍ତର୍ଗତ ଥିଲା, ଯାହା ପରେ ୨୦୦୦ ମସିହାରେ ଏକ ସ୍ୱତନ୍ତ୍ର ଝାରଖଣ୍ଡ ରାଜ୍ୟ ଭାବେ ଗଠିତ ହୋଇଥିଲା।
ସଂସଦକୁ ପ୍ରବେଶ କରିବା ପୂର୍ବରୁ ସେ ୧୯୯୧ରୁ 1995 ମସିହା ପର୍ଯ୍ୟନ୍ତ ବିହାର ବିଧାନସଭାର ସଦସ୍ୟ ଭାବେ ମଧ୍ୟ କାର୍ଯ୍ୟ କରିଥିଲେ। ଏହାବ୍ୟତୀତ ସେ ଦଳୀୟ ସଂଗଠନରେ ମଧ୍ୟ ବିଭିନ୍ନ ଗୁରୁତ୍ୱପୂର୍ଣ୍ଣ ଦାୟିତ୍ୱ ତୁଲାଇଛନ୍ତି। ସେ ଝାରଖଣ୍ଡରେ ବିଜେପିର ଅନୁସୂଚିତ ଜାତି ମୋର୍ଚ୍ଚାର (Scheduled Caste Morcha) ରାଜ୍ୟ ପ୍ରଭାରୀ ଭାବେ ମଧ୍ୟ କାର୍ଯ୍ୟ କରିଛନ୍ତି।
ଓଡ଼ିଶାର ସାମ୍ବିଧାନିକ ମୁଖ୍ୟ ତଥା ରାଜ୍ୟପାଳ ଭାବେ ବ୍ରଜମୋହନ ରାମଙ୍କ ଏହି ନିଯୁକ୍ତି ରାଜ୍ୟର ରାଜନୈତିକ ଓ ପ୍ରଶାସନିକ କ୍ଷେତ୍ରରେ ଏକ ନୂତନ ଅଧ୍ୟାୟ ଯୋଡ଼ିବ ବୋଲି ଆଶା କରାଯାଉଛି।
ଓଡ଼ିଶା ସମେତ ଦେଶର ୬ଟି ରାଜ୍ୟରେ ନୂତନ ରାଜ୍ୟପାଳଙ୍କୁ ନିଯୁକ୍ତି ଦେଇଛନ୍ତି ରାଷ୍ଟ୍ରପତି ଦ୍ରୌପଦୀ ମୁର୍ମୁ। ଏହି କ୍ରମରେ ପୂର୍ବତନ ସାଂସଦ ବ୍ରଜମୋହନ ରାମଙ୍କୁ ଓଡ଼ିଶାର ନୂଆ ରାଜ୍ୟପାଳ ଭାବେ ନିଯୁକ୍ତ କରାଯାଇଛି। ସେ ବର୍ତ୍ତମାନର ରାଜ୍ୟପାଳ ହରିବାବୁ କମ୍ଭମ୍ପାଟିଙ୍କ ସ୍ଥାନ ନେବେ।
ରାଷ୍ଟ୍ରପତି ଭବନ ପକ୍ଷରୁ ପ୍ରକାଶିତ ବିଜ୍ଞପ୍ତି ଅନୁଯାୟୀ, ଦେଶର ୬ଟି ରାଜ୍ୟରେ ରାଜ୍ୟପାଳ ପଦବୀରେ ନୂତନ ନିଯୁକ୍ତି ଦିଆଯାଇଛି:
-
ଓଡ଼ିଶା: ବ୍ରଜମୋହନ ରାମ
-
କେରଳ: ଓମ୍ ପ୍ରକାଶ ମାଥୁର
-
ତାମିଲନାଡୁ: ରାଜେନ୍ଦ୍ର ବିଶ୍ୱନାଥ ଆର୍ଲେକର
-
କର୍ଣ୍ଣାଟକ: ଡକ୍ଟର ସୁଧା ଯାଦବ
-
ଉତ୍ତରାଖଣ୍ଡ: ଡକ୍ଟର ଧଳସିଂହ ବିଶେନ
-
ସିକିମ୍: ଦୁଶ୍ୟନ୍ତ ଗୌତମ
ନୂତନ ରାଜ୍ୟପାଳ ବ୍ରଜମୋହନ ରାମ ଖୁବ୍ଶୀଘ୍ର ଓଡ଼ିଶା ଆସି ବିଧିବଦ୍ଧ ଭାବେ ପଦ ଓ ଗୋପନୀୟତାର ଶପଥ ଗ୍ରହଣ କରିବେ। ଏହି ନିଯୁକ୍ତି ପରେ ରାଜ୍ୟର ବିଭିନ୍ନ ମହଲରୁ ତାଙ୍କୁ ଅଭିନନ୍ଦନର ସ୍ରୋତ 
ଛୁଟୁଛି।
