ବିଶ୍ୱପ୍ରସିଦ୍ଧ ସଙ୍ଗୀତ ବ୍ୟାଣ୍ଡ ‘ଦି ବିଟଲ୍ସ’ (The Beatles) କୁ ନେଇ ଏକ ବଡ଼ ଧରଣର ସିନେମାଟିକ୍ ପ୍ରୋଜେକ୍ଟ ଆସୁଛି। ‘ଦି ବିଟଲ୍ସ – ଏ ଫୋର୍-ଫିଲ୍ମ ସିନେମାଟିକ୍ ଇଭେଣ୍ଟ’ (The Beatles – A Four-Film Cinematic Event) ଶୀର୍ଷକରେ ଏହି ପ୍ରୋଜେକ୍ଟକୁ ନିର୍ମାଣ କରାଯାଉଛି। ନିଲ୍ ଷ୍ଟ୍ରିଟ୍ ପ୍ରଡକ୍ସନ୍ସ (Neal Street Productions) ଏବଂ ଆପଲ୍ କର୍ପସ୍ର ସହଯୋଗରେ ସୋନି ପିକ୍ଚର୍ସ ଏଣ୍ଟରଟେନମେଣ୍ଟ (Sony Pictures Entertainment) ପକ୍ଷରୁ ଏହା ପ୍ରସ୍ତୁତ ହେଉଛି ବୋଲି ଏକ ପ୍ରତିନିଧି ଦଳ ସୂଚନା ଦେଇଛନ୍ତି।
ଏହି ପ୍ରୋଜେକ୍ଟ ଅଧୀନରେ ମୋଟ ଚାରୋଟି ଫିଲ୍ମ ନିର୍ମାଣ କରାଯିବ। ପ୍ରତ୍ୟେକ ଫିଲ୍ମରେ ଏହି ବ୍ୟାଣ୍ଡର ଚାରି ଜଣ ସଦସ୍ୟଙ୍କ ମଧ୍ୟରୁ ଜଣଙ୍କର ଜୀବନ ଏବଂ ସଙ୍ଗୀତ ଯାତ୍ରା ଉପରେ ସ୍ୱତନ୍ତ୍ର ଫୋକସ୍ କରାଯିବ। ଆସନ୍ତା ୨୦୨୮ ମସିହା ଏପ୍ରିଲ ମାସରେ ଏହି ଫିଲ୍ମଗୁଡ଼ିକୁ ବିଶ୍ୱବ୍ୟାପୀ ସିନେମା ହଲ୍ମାନଙ୍କରେ ମୁକ୍ତିଲାଭ କରିବାର ଯୋଜନା ରହିଛି ବୋଲି ପ୍ରତିନିଧି ଦଳ ଜଣାଇଛନ୍ତି।
ପ୍ରସ୍ତାବିତ ଋଷିକେଶ ସୁଟିଂରେ ୧୦୦ ରୁ ଅଧିକ ଅନ୍ତର୍ଜାତୀୟ କ୍ରୁ-ମେମ୍ବର ଏବଂ ପ୍ରାୟ ୧୫୦ ଜଣ ଭାରତୀୟ କ୍ରୁ-ମେମ୍ବର ସାମିଲ ହେବାର ଆଶା ରହିଛି। ଏହା ସହିତ ସ୍ଥାନୀୟ କାରିଗର ଏବଂ ସପୋର୍ଟ ଷ୍ଟାଫ୍ ମଧ୍ୟ ଏଥିରେ କାର୍ଯ୍ୟ କରିବେ। ଭାରତରେ ଏହାର ସମସ୍ତ ପ୍ରଡକ୍ସନ୍ କାର୍ଯ୍ୟ ‘ଅନ୍ ଦି ରୋଡ୍ ଇଣ୍ଡିଆ’ (On the Road India) ଦ୍ୱାରା ପରିଚାଳନା କରାଯାଉଛି।
ଏହି ପ୍ରୋଜେକ୍ଟ ଦ୍ୱାରା ସ୍ଥାନୀୟ ଅଞ୍ଚଳର ଲୋକଙ୍କ ପାଇଁ ନୂତନ ନିଯୁକ୍ତି ସୁଯୋଗ ସୃଷ୍ଟି ହେବା ସହିତ ଆତିଥ୍ୟ (ହସ୍ପିଟାଲିଟି), ପରିବହନ ଏବଂ ଅନ୍ୟାନ୍ୟ ବାଣିଜ୍ୟିକ କ୍ଷେତ୍ରଗୁଡ଼ିକରେ ବଡ଼ଧରଣ
