ଖଣ୍ଡପଡା ୧୮|୧୧ (ସିଧା ସମ୍ବାଦ) ୮୦ ପ୍ରତିଶତ ଭିନ୍ନକ୍ଷମ ବ୍ଯକ୍ତିବିଶେଷ ଓ ୮୦ ବର୍ଷରୁ ଉର୍ଦ୍ଧ୍ବ ଜନସାଧାରଣଙ୍କୁ ପ୍ରତିମାସରେ ୩୫୦୦ ଟଙ୍କା ଭତ୍ତା ପ୍ରଦାନ ନିମନ୍ତେ ରାଜ୍ଯ ସରକାର ନିର୍ଦ୍ଦେଶାନାମା ଜାରି କରିଛନ୍ତି।ତେବେ ଖଣ୍ଡପଡା ବ୍ଲକ ଅଧିନ ରୟତି ଢୋଲମରା ଗ୍ରାମର ପ୍ରଫୁଲ୍ଲ ସ୍ୱାଇଁଙ୍କ ପୁଅ ଦିପ୍ତିରଞ୍ଜନ ସ୍ବାଇଁ ଜଣେ ଦିବ୍ୟାଙ୍ଗ ଯୁବକ ଅଟନ୍ତି।ସଂପୂର୍ଣ୍ଣ ଅଚଳ ଅବସ୍ଥାରେ ସେ ବିଛଣାରେ ପଡ଼ି ରହି ଅତି ଦୁଃଖ କଷ୍ଟରେ ଦିନ କାଟୁଛନ୍ତି।ଗତ ୨୦୧୬ ମସିହାରୁ ସେ ଭତ୍ତା ପାଇ ଆସୁଥିବା ବେଳେ ଗତ ୨୦୨୫ ଜାନୁୟାରୀ ମାସରୁ ବର୍ଦ୍ଧିତ ହାରରେ ସେ ମାସିକ ୩୫୦୦ ଟଙ୍କା ଭତ୍ତା ବାବଦରେ ପାଇ ଆସୁଥିଲେ।ମାତ୍ର ଗତ ଅକ୍ଟୋବର ଓ ନଭେମ୍ବର ୨ ମାସ ହେଲା ସେ ବର୍ଦ୍ଧିତ ହାରରେ ଭତ୍ତା ପାଇବାରୁ ବଞ୍ଚିତ ହୋଇଥିବା ପରିବାରବର୍ଗଙ୍କ ସୂତ୍ରରୁ ଜଣାପଡିଛି।ଏବେ ସେ ମାସକୁ ଭତ୍ତା ବାବଦରେ ୧୦୦୦ ଟଙ୍କା ଲେଖାଏଁ ପାଉଥିବାରୁ ଅସନ୍ତୋଷ ପ୍ରକାଶ କରିଛନ୍ତି।ଏ ସଂର୍ପକରେ ସେ ସ୍ଥାନୀୟ ସରପଞ୍ଚ,ପଞ୍ଚାୟତ କର୍ତ୍ତୃପକ୍ଷ ଓ ଖଣ୍ଡପଡ଼ା ବ୍ଲକ ପ୍ରଶାସନର ଦୃଷ୍ଟି ଆକର୍ଷଣ କରି ନିରାଶ ହୋଇଥିବା ଜଣାଯାଇଛି।ଉକ୍ତ ଦିବ୍ୟାଙ୍ଗ ଯୁବକଙ୍କ ବର୍ଦ୍ଧିତ ହାରରେ ଭତ୍ତା ପ୍ରଦାନ ନିମନ୍ତେ ବ୍ଳକ ପ୍ରଶାସନ ଓ ନୟାଗଡ ଜିଲ୍ଲାପାଳ ଦୃଷ୍ଟି ଦେବାକୁ ଦାବି ହେଉଛି।(ଫଟୋ ପଠାଇଛି)
