୧୬ ନମ୍ବର ଜାତୀୟ ରାଜପଥରେ ଏକ ଅଭାବନୀୟ ଘଟଣା ଘଟିଯାଇଛି। ବାଲି ମାଫିଆଙ୍କୁ ଧରିବା ପାଇଁ ଗୋଡ଼ାଉଥିବା ବେଳେ ଅତିରିକ୍ତ ତହସିଲଦାରଙ୍କ ଗାଡ଼ିକୁ ଧକ୍କା ଦେଇଛି ଏକ ବାଲି ବୋଝେଇ ଟ୍ରକ୍। ଏହି ଦୁର୍ଘଟଣାରୁ ଅତିରିକ୍ତ ତହସିଲଦାର କୃଷ୍ଣମୋହନ ସିଂହ ଅଳ୍ପକେ ବର୍ତ୍ତି ଯାଇଛନ୍ତି।ଜାତୀୟ ରାଜପଥରେ ଗାଡ଼ି ଯାଞ୍ଚ ଚାଲିଥିବା ସମୟରେ ଏକ ବାଲି ବୋଝେଇ ଟ୍ରକ୍ ସେଠାରୁ ଖସି ପଳାଇବାକୁ ଉଦ୍ୟମ କରିଥିଲା। ଅତିରିକ୍ତ ତହସିଲଦାର ନିଜ ଗାଡ଼ିରେ ଉକ୍ତ ଟ୍ରକ୍କୁ ପିଛା କରିଥିଲେ। ମାତ୍ର ଟ୍ରକ୍ ଚାଳକ ଗାଡ଼ି ନ ଅଟକାଇ ଦ୍ରୁତ ଗତିରେ ଚଲାଇଥିଲେ।ଅତିରିକ୍ତ ତହସିଲଦାରଙ୍କ ଗାଡ଼ି ଟ୍ରକ୍କୁ ଓଭରଟେକ୍ କରିବାକୁ ଚେଷ୍ଟା କରୁଥିବା ବେଳେ, ଟ୍ରକ୍ଟି ତାଙ୍କ ଗାଡ଼ିକୁ ସଜୋରରେ ଧକ୍କା ଦେଇଥିଲା। ଧକ୍କା ଏତେ ଭୟଙ୍କର ଥିଲା ଯେ ଏଥିରେ ଗାଡ଼ିର କ୍ଷତି ହୋଇଥିଲେ ମଧ୍ୟ ସୌଭାଗ୍ୟବଶତଃ କୃଷ୍ଣମୋହନ ସିଂହ ସୁରକ୍ଷିତ ଅଛନ୍ତି।
ଦୁର୍ଘଟଣା ଘଟାଇବା ପରେ ଖସିବାକୁ ଚେଷ୍ଟା କରୁଥିବା ଉକ୍ତ ବାଲି ବୋଝେଇ ଟ୍ରକ୍କୁ ପୁଲିସ ଅଟକ ରଖିଛି। ବେଆଇନ ବାଲି ଚାଲାଣ ଏବଂ ସରକାରୀ ଅଧିକାରୀଙ୍କୁ ହତ୍ୟା ଉଦ୍ୟମ ଭଳି ସଂଗୀନ ମାମଲାକୁ ନେଇ ପୁଲିସ ତଦନ୍ତ ଜାରି ରଖିଛି।
ବାଲି ମାଫିଆଙ୍କ ଏଭଳି ଦୁଃସାହସକୁ ନେଇ ସ୍ଥାନୀୟ ଅଞ୍ଚଳରେ ଚର୍ଚ୍ଚା ଜୋର ଧରିଛି।
