LPG ଗ୍ରାହକଙ୍କ ପାଇଁ ଆସିଛି ଏକ ବଡ଼ ଖୁସି ଖବର। ଭାରତ ପେଟ୍ରୋଲିୟମ କର୍ପୋରେସନ୍ ଲିମିଟେଡ୍ (BPCL) ନିଜର ଗ୍ରାହକମାନଙ୍କୁ ଅଧିକ ସହଜ ଓ ଦ୍ରୁତ ସେବା ଯୋଗାଇଦେବା ପାଇଁ ‘ଭାରତ ଗ୍ୟାସ ଲାଇଟ୍ ଜିପ୍ (Bharat Gas Light Zip)’ ନାମକ ଏକ ନୂତନ ସେବାର ଶୁଭାରମ୍ଭ କରିଛି। ଏହି ସେବା ମାଧ୍ୟମରେ ନୂଆ ଗ୍ୟାସ କନେକ୍ସନ୍ ନେବା ଏବଂ ସିଲିଣ୍ଡର ରିଫିଲ୍ କରିବା ପୂର୍ବထପେକ୍ଷା ଅଧିକ ସରଳ ଓ ଶୀଘ୍ର ହୋଇପାରିବ।
‘ଭାରତ ଗ୍ୟାସ ଲାଇଟ୍ ଜିପ୍’ର ମୁଖ୍ୟ ଆକର୍ଷଣ ଓ ବିଶେଷତ୍ୱ
-
୧୦ କିଲୋଗ୍ରାମର ନୂଆ ହାଲୁକା ସିଲିଣ୍ଡର: ଏହି ସେବା ଅଧୀନରେ BPCL ୧୦ କିଲୋଗ୍ରାମର ନୂଆ କମ୍ପୋଜିଟ୍ ଗ୍ୟାସ ସିଲିଣ୍ଡର ଆଣିଛି। ସାଧାରଣ ଲୁହା ସିଲିଣ୍ଡର ତୁଳନାରେ ଏହା ଅତି ହାଲୁକା, ଯାହାକୁ ବହନ କରିବା ଏବଂ ଘରେ ଗୋଟିଏ ସ୍ଥାନରୁ ଅନ୍ୟ ସ୍ଥାନକୁ ନେବା ଆଣିବା କରିବା ବହୁତ ସହଜ।
-
ଟ୍ରାନ୍ସପାରେଣ୍ଟ ବଡି (ପାରଦର୍ଶୀ ସିଲିଣ୍ଡର): ଏହି ସିଲିଣ୍ଡରର ସବୁଠାରୁ ବଡ଼ ସୁବିଧା ହେଉଛି ଏହାର ପାରଦର୍ଶୀ ଶରୀର। ସିଲିଣ୍ଡର ଭିତରେ କେତେ ଗ୍ୟାସ ବାକି ଅଛି, ଗ୍ରାହକମାନେ ତାହା ବାହାରୁ ସହଜରେ ଦେଖିପାରିବେ। ଏହାଦ୍ୱାରା ହଠାତ୍ ଗ୍ୟାସ ସରିଯିବାର ସମସ୍ୟାରୁ ମୁକ୍ତି ମିଳିବ।
-
ଜଙ୍ଗମୁକ୍ତ (Rust-Free) ଓ ସୁରକ୍ଷିତ: ଏହି ସିଲିଣ୍ଡରଗୁଡ଼ିକ ବିଶେଷ ମ୍ୟାଟେରିଆଲରେ ତିଆରି ହୋଇଥିବାରୁ ଏଥିରେ ଜଙ୍ଗ (Rust) ଲାଗିବାର ଭୟ ନଥାଏ। ଫଳରେ ମେଜେ କିମ୍ବା ଟାଇଲ୍ସ ଖରାପ ହେବାର ଆଶଙ୍କା ରହେନାହିଁ।
-
ଆଧୁନିକ ଡିଜାଇନ୍ ଓ ଉନ୍ନତ ନିରାପତ୍ତା: ସିଲିଣ୍ଡରଟିର ଲୁକ୍ ଅତ୍ୟନ୍ତ ଆଧୁନିକ ହୋଇଥିବା ବେଳେ ଏଥିରେ ସର୍ବଶ୍ରେଷ୍ଠ ସୁରକ୍ଷା ବୈଶିଷ୍ଟ୍ୟ (Safety Features) ଆପଣାଯାଇଛି, ଯାହା ଦୁର୍ଘଟଣା ଏଡ଼ାଇବାରେ ସାହାଯ୍ୟ କରିବ।
-
ଦ୍ରୁତ ଡେଲିଭରି: ‘ଲାଇଟ୍ ଜିପ୍’ ସେବା ଜରିଆରେ ଗ୍ରାହକଙ୍କୁ ଶୀଘ୍ର ନୂଆ କନେକ୍ସନ୍ ଯୋଗାଇ ଦିଆଯିବା ସହ ଅର୍ଡର କରିବାର ଅତି କମ୍ ସମୟ ମଧ୍ୟରେ ସିଲିଣ୍ଡର ଡେଲିଭରି କରାଯିବ।
ଛୋଟ ପରିବାର, ଚାକିରିଆ, ଆପାର୍ଟମେଣ୍ଟରେ ରହୁଥିବା ଲୋକ ଏବଂ ଛାତ୍ରଛାତ୍ରୀଙ୍କ ପାଇଁ BPCLର ଏହି ନୂତନ ‘ଭାରତ ଗ୍ୟାସ ଲାଇଟ୍ ଜିପ୍’ ସେବା ଅତ୍ୟନ୍ତ ଉପଯୋଗୀ ପ୍ରମାଣିତ ହେବ।
