ଭୁବନେଶ୍ୱର: ରାଜ୍ୟରେ ପୁଣି ଜଣେ ସରକାରୀ ବାବୁଙ୍କ ଘରେ ଭିଜିଲାନ୍ସର ବଡ଼ ଧରଣର ଚଢ଼ାଉ। କେନ୍ଦ୍ରୀୟ ଜଳସେଚନ ସର୍କଲର ଅତିରିକ୍ତ ମୁଖ୍ୟ ଯନ୍ତ୍ରୀ ରାଜେଶ ଚନ୍ଦ୍ର ମହାନ୍ତିଙ୍କ ନାମରେ ଆୟ ବର୍ହିଭୂତ ସମ୍ପତ୍ତି ଠୁଳ ଅଭିଯୋଗ ଆସିବା ପରେ, ଭିଜିଲାନ୍ସ ବିଭାଗ ପକ୍ଷରୁ ବିଭିନ୍ନ ସ୍ଥାନରେ ରେଡ୍ ଜାରି ରହିଛି।
ସୂଚନା ଅନୁସାରେ, ଭୁବନେଶ୍ୱର, କଟକ, ଢେଙ୍କାନାଳ ଓ ଯାଜପୁର ସମେତ ମୋଟ ୬ଟି ସ୍ଥାନରେ ଏକକାଳୀନ ଚଢ଼ାଉ କରାଯାଉଛି:
-
ଭୁବନେଶ୍ୱର: ବରମୁଣ୍ଡା ହାଉସିଂ ବୋର୍ଡ କଲୋନୀରେ ଥିବା ତାଙ୍କର ବିଶାଳ ୩ ମହଲା କୋଠା ଏବଂ ନିଜ କାର୍ଯ୍ୟାଳୟ।
-
ଢେଙ୍କାନାଳ: ଭାପୁରରେ ଥିବା ଦୁଇ ମହଲା କୋଠା, ଫାର୍ମ ହାଉସ୍ ଏବଂ ଦେଉଳା ସାହିରେ ଥିବା ସମ୍ପର୍କୀୟଙ୍କ ଘର।
-
ଯାଜପୁର: ବଡ଼ଚଣାରେ ଥିବା ତାଙ୍କ ପୈତୃକ ବାସଭବନ।
-
କଟକ: ନୟାବଜାର ଅଞ୍ଚଳରେ ଥିବା ତାଙ୍କ ଜଣେ ନିକଟତମ ସହଯୋଗୀଙ୍କ ଘର।
ଏହି ଚଢ଼ାଉରେ ଭିଜିଲାନ୍ସର ଏକାଧିକ ଟିମ୍ ସାମିଲ ଅଛନ୍ତି। ବର୍ତ୍ତମାନ ସୁଦ୍ଧା କୋଟି କୋଟି ଟଙ୍କାର ସ୍ଥାବର ଓ ଅସ୍ଥାବର ସମ୍ପତ୍ତିର ଆକଳନ କରାଯାଉଛି। ଖବର ଲେଖାହେବା ସୁଦ୍ଧା ଯାଞ୍ଚ ଜାରି ରହିଥିବାରୁ, ମୋଟ ସମ୍ପତ୍ତିର ପରିମାଣ କେତେ ତାହା ଚଢ଼ାଉ ଶେଷ ହେବା ପରେ ସ୍ପଷ୍ଟ ହେବ।
“ଦୁର୍ନୀତି ବିରୋଧରେ ଶୂନ୍ୟ ସହିଷ୍ଣୁତା ନୀତି ଆପଣେଇଥିବା ସରକାରଙ୍କ ଅଧୀନରେ ଏହି ବଡ଼ କାର୍ଯ୍ୟାନୁଷ୍ଠାନ ଏବେ ଚର୍ଚ୍ଚାର ବିଷୟ ପାଲଟିଛି।”
