ନୂଆଦିଲ୍ଲୀ:
ଅକ୍ଟୋବର ୧୦ ରେ ହେବାକୁ ଥିବା ବୃହତ୍ ପ୍ରତିବାଦ କାର୍ଯ୍ୟକ୍ରମ ପୂର୍ବରୁ ସୁପ୍ରିମକୋର୍ଟ କେନ୍ଦ୍ର ସରକାରଙ୍କୁ ଏକ ଗୁରୁତ୍ୱପୂର୍ଣ୍ଣ ନିର୍ଦ୍ଦେଶ ଦେଇଛନ୍ତି। ଦିଲ୍ଲୀ ଆସୁଥିବା ଟ୍ରେନ୍ଗୁଡ଼ିକର ଚଳାଚଳକୁ ସମ୍ପୂର୍ଣ୍ଣ ବନ୍ଦ ନକରିବା ଏବଂ ଦିଲ୍ଲୀ ମେଟ୍ରୋ ଷ୍ଟେସନ୍ଗୁଡ଼ିକୁ ସମ୍ପୂର୍ଣ୍ଣ ସିଲ୍ ନକରିବା ପାଇଁ ଶୀର୍ଷ ଅଦାଲତ କେନ୍ଦ୍ରକୁ ନିର୍ଦ୍ଦେଶ ଦେଇଛନ୍ତି।
ସୁପ୍ରିମକୋର୍ଟ କହିଛନ୍ତି ଯେ ଟ୍ରେନ୍ ଏବଂ ମେଟ୍ରୋ ସେବାକୁ ସମ୍ପୂର୍ଣ୍ଣ ବନ୍ଦ କରିବା ପରିବର୍ତ୍ତେ ଏହାକୁ ନିୟନ୍ତ୍ରିତ ଓ ବ୍ୟବସ୍ଥିତ ଢଙ୍ଗରେ ଜାରି ରଖିବାକୁ ଅନୁମତି ଦିଆଯାଉ। ସାଧାରଣ ଜନତା, ଶ୍ରମିକ ଏବଂ ନିତ୍ୟଯାତ୍ରୀ ଯେପରି କୌଣସି ପ୍ରକାରର ଅସୁବିଧାର ସମ୍ମୁଖୀନ ନହୁଅନ୍ତି, ତାହାକୁ ପ୍ରାଥମିକତା ଦେବାକୁ କୋର୍ଟ ସ୍ପଷ୍ଟ କରିଛନ୍ତି।
ସୁରକ୍ଷା ଓ ଆଇନ ଶୃଙ୍ଖଳା ପରିଚାଳନା ନାଁରେ ସାଧାରଣ ପରିବହନ ବ୍ୟବସ୍ଥାକୁ ସମ୍ପୂର୍ଣ୍ଣ ଠପ୍ କରିବା ଅନୁଚିତ ବୋଲି ଦର୍ଶାଇ କୋର୍ଟ ନିୟନ୍ତ୍ରିତ ଚଳାଚଳ ମାଧ୍ୟମରେ ସାଧାରଣ ନାଗରିକଙ୍କ ସୁବିଧା ପ୍ରତି ଧ୍ୟାନ ଦେବାକୁ କେନ୍ଦ୍ର ସରକାର ଓ ପ୍ରଶାସନକୁ ନିର୍ଦ୍ଦେଶ ଦେଇଛନ୍ତି।
