ଦେଶର ରାଜନୀତି ପ୍ରେକ୍ଷାପଟ୍ଟରୁ ଏକ ବଡ଼ ଖବର ସାମ୍ନାକୁ ଆସୁଛି। ଆସନ୍ତା ଜୁଲାଇ ୨୦ ତାରିଖରୁ ସଂସଦର ମୌସୁମୀ ଅଧିବେଶନ ଆରମ୍ଭ ହେବାର ସମ୍ଭାବନା ରହିଛି। ଚଳିତ ବର୍ଷର ଏହି ଗୁରୁତ୍ୱପୂର୍ଣ୍ଣ ଅଧିବେଶନ ପ୍ରାୟ ୩ ସପ୍ତାହ ଧରି ଚାଲିପାରେ ବୋଲି ସୂତ୍ରରୁ ସୂଚନା ମିଳିଛି।
ତେବେ ଅଧିବେଶନର ତାରିଖ ଏବଂ ସମୟ ସମ୍ପର୍କରେ ସଂସଦୀୟ ବ୍ୟାପାର କ୍ୟାବିନେଟ୍ କମିଟି (CCPA) ବୈଠକରେ ଚୂଡ଼ାନ୍ତ ନିଷ୍ପତ୍ତି ନିଆଯିବ।
ଏଥର ମୌସୁମୀ ଅଧିବେଶନ ବେଶ୍ ସରଗରମ ହେବା ନେଇ ଅନୁମାନ କରାଯାଉଛି। କାରଣ ଅନେକ ଗୁରୁତ୍ୱପୂର୍ଣ୍ଣ ବିଲ୍ ଏବଂ ଜନହିତକର ପ୍ରସଙ୍ଗକୁ ନେଇ ଗୃହରେ ଶାସକ ଓ ବିରୋଧୀ ଦଳ ମଧ୍ୟରେ ଜୋରଦାର ଆଲୋଚନା ଏବଂ ବିତର୍କ ଦେଖିବାକୁ ମିଳିପାରେ। ବିଭିନ୍ନ ଜାତୀୟ ପ୍ରସଙ୍ଗରେ ସରକାରଙ୍କୁ ଘେରିବା ପାଇଁ ବିରୋଧୀ ଦଳଗୁଡ଼ିକ ରଣନୀତି ପ୍ରସ୍ତୁତ କରୁଥିବା ବେଳେ, ଗୃହ କାର୍ଯ୍ୟକୁ ସୁରୁଖୁରୁରେ ଚଳାଇବା ପାଇଁ ସରକାର ମଧ୍ୟ ପ୍ରସ୍ତୁତ ହେଉଛନ୍ତି।
